இதய நாள்...செப்டம்பர் 29ம் தேதி....உங்கள் ஆரோக்கியம் உங்கள் கையில்..

இதய நாள்...

ஒவ்வொரு வருடமும் செப்டம்பர் 29ம் தேதி இதய நாளாக அனுசரிக்கப்படுகிறது.....

இதயம் மற்றும் அதைச் சார்ந்த இழுப்பு நோய்களால் ஆண்டு தோறும் சுமார் 173 லட்சம் மக்கள் இறந்து போவதாகக் கணிக்கப்பட்டுள்ளது. நமக்கு நாமே எதிரி என்றால் அது மிகையாகாது. ஏனென்றால், இதயம் மற்றும் அதைச் சார்ந்த இழுப்பு நோய்கள் அதிகரிக்கக் காரணம் நம்முடைய வாழ்முறை மாற்றம்தான். இந்த நோய்கள் ஏற்படக் காரணமாக இருப்பவை அதிக இரத்த அழுத்தம், இரத்தத்தில் அதிக அளவு கொழுபு மற்றும் சர்க்கரை, புகை பிடித்தல், காய்கறிகளை அறவே ஒதுக்குதல், தேவைக்கதிக உடல் எடை, உடல் மருமன், மன உழைச்சல் மற்றும் உடல் உழைப்பு இல்லாமை.

கைமுட்டி அளவே இருந்தாலும், நம் உடல் பாகங்களிலேயே வலுவான சதை அமைப்பைக் கொண்டது இதயம். நிமிடத்திற்கு சுமார் 70 முறை துடிக்கும் இதயம், உடலின் அனைத்து பாகங்களுக்கும் பிராணவாயு மற்றும் சத்துக்களை எடுத்துச் செல்கிறது. உடல் உழைப்புக்கு ஏற்ப துடிக்கும் வேகம் அதிகரிக்கும்.

இந்த இதயம் சம்பந்தமான நோய்களுக்கு இப்பொழுதெல்லாம் ஏழை பணக்காரன் என்ற பாகுபாடெல்லாம் கிடையாது. ஆனால், வருமுன் நம்மைக் காத்துக் கொள்ள முடியும். கிட்டத்தட்ட 80 சதவிகிதம் அளவுக்கு தற்காத்துக் கொள்ள முடியும். இதற்கு என்ன செய்யலாம்? சத்தான ஆரோக்கியமான உணவு, தினப்படியான உடற்பயிற்சி மற்றும் புகையிலை சார்ந்த பொருட்களை உபயோகிக்காமை ஆகியவை நிச்சயம் தற்காத்துக் கொள்ள உதவும். இதில், புகையிலை சார்ந்த பொருட்கள், உதாரணமாக சிகரட் புகைத்தல், அருகில் இருப்பவர்களையும் பாதிக்கும் என்பதுதான் நிதர்சன உண்மை. புகை பிடித்தல் இதய நோயின் வேகத்தைப் பலமடங்கு அதிகரிக்கும்.

கரோனரி ஆர்ட்டரி என்ற இரத்தக் குழாய் மூலம் இதயத் தசைகளும் பிராணவாயு மற்றும் சத்துக்களைப் பெறுகின்றது. இதயத்திற்கு செல்லும் இரத்தம் அடைப்பினால் தடைப்படும் போது, இதயத்திற்கு செல்லும் பிராணவாயு மற்றும் சத்துக்கள் அளவு குறைந்து பாதிப்பு ஏற்படுகிறது. இதன் உடனடி நிகழ்வுதான் மாரடைப்பு. இந்தத் தடை குறைந்த அளவில் இருந்து, இதயத்திற்கு செல்லும் இரத்தத்தின் அளவு குறந்தால், 'ஆஞ்சினா' என்ற நெஞ்சு வலி ஏற்படும். மாரடைப்பு வருவதற்கான முன்னறிவிப்பாகவே இதை எடுத்துக் கொள்ளலாம். இதே இரத்த ஓட்டத்தடை மூளையில் ஏற்படுமானால், மூளைப்பகுதி செயலிழந்து இழுப்பு ஏற்படுகிறது. இதை உடனடியாகக் கவனித்து மருத்துவ உதவி அளித்தால், அதிகளவிலான பாதிப்பைத் தடுக்கலாம். உயர் இரத்த அழுத்தமும் மூளையில் உள்ள இரத்தக் குழாய்களை வெடிக்கச் செய்து பாதிப்பை ஏற்படுத்தும்.

வாழ்முறை மாற்றம் நம் ஆரோக்கியத்திலும் மாற்றத்தை, பாதிப்பை ஏற்படுத்தியிருக்கிறது. வாகனவசதி நாம் அழுங்காமல் சென்று வர உதவி செய்து கூடவே நம்மையறியாமல் நோய்நொடிகளையும் கொண்டு வருகிறது. உடல்பயிற்சி என்பதே இல்லாமல் போய் நடப்பதே உடற்பயிற்சியாகி விட்டது. இன்றைய குழந்தைகள் விளையாடக் கூட நேரம் இல்லாமல் படிப்பதால், உடல் பருமானகி இளம் வயதிலேயே நோய்களுக்கு வித்திடுகின்றனர். 

தொத்து அல்லாத வாழ்முறை நோய்கள் இன்றளவில் அதிகரித்து வருவது குறிப்பிடத்தக்கது. குறிப்பாக, சர்க்கரை நோய், புற்று நோய் இவற்றுடன் இதய நோய்களும் அடங்கும். சர்க்கரை நோய் இருப்பவர்கள் மிகவும் கட்டுப்பாட்டுடன் இருப்பது மிக அவசியம். இவர்கள், இரத்த அழுத்தம் மற்றும் சர்க்கரை அளவைக் கட்டுப்பாட்டுக்குள் வைத்திருப்பது மிகவும் நல்லது.

தொழில்நுட்பம் எவ்வளவு மாறினாலும், மாரடைப்பு ஏற்படும் பொழுது அதற்கான நோய்க்குறிகளை அடையாளம் காணத்தெரியாமல் இருப்பது வருத்தத்தக்கது. மாரடைப்புக்கான நோய்க்குறிகளில் நடுநெஞ்சில் வலி/அழுத்தம், அதிக வேர்வை, தோள்பட்டைகளில் வலி/உழைச்சல், தாடை வலி, மூச்சு விடுவதில் சிரமம், வாந்தி போன்றவை முக்கியமானவை. சர்க்கரை நோய் உள்ளவர்களுக்கு வலி தெரியாமல் போகலாம். வயிற்றுக் கோளாருக்கும் (வாந்தி, நெஞ்செரிச்சல் போன்றவை) மாரடைப்புக்கும் நெருங்கிய தொடர்பு உண்டு. மருத்துவரால் மட்டுமே இனம் காண முடியும். அதே மாதிரி, மூளை பாதிப்பில் கவனிக்க வேண்டியது, பேச்சு, புரிதலில் குழப்பம், நடையில் தடுமாற்றம், மயக்கம், உடல்பாகங்கள் மறத்துப் போதல் போன்றவை. பாதிக்கப்பட்ட நபர்களை உடனடியாக மருத்துவமனை கொண்டுசெல்ல வேண்டியது அவசியம். 

இந்தக் கட்டுரை உங்களைப் பயமுறுத்த அல்ல. உங்களிடம் ஒரு விழிப்புணர்வைக் கொண்டு வருவதற்கே. உங்களுக்குத் தெரியவேண்டும் என்றுதான் இந்த விபரங்கள். பயந்து விடாதீர்கள், அதே சமையம், அலட்சியமாகவும் இருந்து விடாதீர்கள். இதயத்தை ஆரோக்கியமாக வைத்திருக்க நீங்கள் இமயமலையைப் பிரட்ட வேண்டியதில்லை. உங்கள் வாழ்முறையில் ஒருசில சிறிய மாற்றங்கள் செய்தால் போதும். ஆரோக்கியமான இதயத்துடன் உற்சாகமாக வாழலாம். சரி, என்ன அப்படி ஒருசில சிறிய மாற்றங்கள்?

தினமும் 30 நிமிடங்களாவது வேர்க்கவிருவிருக்க உடற்பயிற்சி செய்யவேண்டும். அல்லது, காலை அல்லது மாலை வேலைகளில் அரை மணி நேர வேகநடை போதும்.

உடல் எடையில் கவனம் தேவை. உடல் எடையை சீராக வயது, உயரத்திற்குத் தகுந்தவாறு பேணி வர வேண்டும். அதே சமயம், எடையைக் குறைக்கிறேன் என்று ஆரோக்கியமான் உணவைத் தவிர்ப்பது உடலுக்குத் தீங்கை விளைவிக்கும். உடல் பருமன் பற்றிய என்னுடைய செய்தியை இதே பகுதியில் படித்துப் பாருங்கள்.

அதிகக் கொழுப்பு நிறந்த உணவுகளைத் தவிர்த்தல் மிகவும் நல்லது. வயது அதிகரிக்கும் போது, மாமிச உணவுகளைக் குறைத்து வருவது நல்லது. அதற்குப் பதில் மீன் போன்றவற்றை குறிப்பாகக் கடல் உணவுகளைச் சேர்த்துக் கொள்ளலாம்.
 

எண்ணையில் ஆழ்ந்து வறுத்தெடுக்கப்பட்ட பதார்த்தங்களை அறவே தவிர்த்தல் நல்லது.
 

தினமும் குறிப்பிட்ட அளவில் காற்கறிகளை உணவில் சேர்த்துக்கொள்ள வேண்டும்
 

சாப்பிட்டவுடன், குளிர்ந்த பானங்களைக் குடிப்பது தவறு. அதிகக் கொழுப்பு குடலில் இருந்து உறிஞ்சப்படக் காரணமாகிவிடும்

இதயத்திற்கு மிகப்பெரிய எதிரி நாம் உணவில் சேர்த்துக் கொள்ளும் உப்பு. உப்பு குறிப்பிட்ட அளவில் நமக்குத் தேவை. உணவு செய்முறையில் சேர்க்கப்படும் அளவான உப்பே நமக்குப் போதும். அதிகளவிலான உப்பு வில்லங்கத்தில்தான் முடியும்.

மன உழைச்சல் நம் ஆரோக்கியத்தில் மிகப்பெரும் பங்கு வகிக்கிறது. இதய நோய்களிலும் இதன் பங்கு முக்கியம். இன்றைய காலகட்டத்தில், இதற்கான வாய்ப்புகள் அதிகம். மனம் விட்டு யாரிடமாவது பேசுவது, தியானம் போன்றவற்றால் இதன் பாதிப்பைக் குறைக்கலாம். 

பூண்டு ஒரு சிறந்த மருத்துவப் பொருள். பச்சையாக சில பூண்டு பற்களை மென்று சாப்பிட்டு வந்தால் நல்லது. இல்லையென்றால், கொதிக்க வைத்து இறக்கிய பாலில் 10 பூண்டு பற்களைப் போட்டு மூடி வைத்தால், பால் ஆறும்போது அதிலுள்ள பூண்டும் நன்கு வெந்திருக்கும். பூண்டை சாப்பிட்டு பாலையும் குடித்து விடவேண்டும். மாதம் இருமுறை சாப்பிட்டால் போதும். இரத்த அழுத்தம் மற்றும் இரத்ததில் அதிகக் கொழுப்பு சேருவதைக் கட்டுப்படுத்தலாம்.

இதுவரை நீங்கள் உங்கள் உடல் நலனில் அக்கறை காட்டவில்லையெனில்... இனியாவது முயற்சி செய்யுங்கள்...வாழும்வரை ஆரோக்கியமாக வாழலாமே!

சுமைதாங்(தூக்)கிகள்....

காலத்தின் கோலம் கல்வியின் கட்டாயம்!
தொலைந்தது குழந்தைப்பருவம்
மிஞ்சியது புத்தகப் பழு!
சிந்திக்கும் சீரிளந்திறன்
தொலைந்தது மதிப்பெண் மோகத்தால்!
வளர்ந்தபின் திரும்பினால்
காணாமல் போனது காலம் மட்டுமல்ல
குழந்தைப்பருவக் குதுகூலமும்தான்!
அன்று தொலைத்ததை 
இன்று தேடுமுன்!
வாழ்க்கையை சுமக்கும் தூண்களாகமீண்டும் சுமைதாங்(தூக்)கிகளாக!

How to Detect Hidden Camera in Trial Room and a 2-way mirror

In front of the trial room take your mobile and make sure that mobile can make calls........
Then enter into the trail room, take your mobile and make a call.....
If u can't make a call......!!!!
There is a hidden camera......
This is due to the interference of fiber optic cable during the signal transfer......

Please forward this to your friends to educate this issue to the
public......To prevent our innocent ladies from HIDDEN CAMERA...........

Pinhole Cameras in Changing Rooms of Big Bazaar, Shoppers Stop?

A few days ago, I read that:
Please don't use Trial room of BIG BAZAAR there are pinhole cameras to make MMS of young girls.
So, please forward to all girls. Also forward to all boys who have sisters and girlfriends.

Don't be shy in forwarding this message. Because its about protecting the integrity of all girls & ladies.

HOW TO DETECT A 2-WAY MIRROR?

When we visit toilets, bathrooms, hotel rooms, changing rooms, etc., How many of you know for sure that the seemingly ordinary mirror hanging on the wall is a real mirror, or actually a 2-way mirror I.e., they can see you, but you can't see them. There have been many cases of people installing 2-way mirrors in female changing rooms or bathroom or bedrooms.

It is very difficult to positively identify the surface by just looking at it. So, how do we determine with any amount of certainty what type of Mirror we are looking at?

CONDUCT THIS SIMPLE TEST:

Place the tip of your fingernail against the reflective surface and if there is a GAP between your fingernail and the image of the nail, then it is a GENUINE mirror.

However, if your fingernail DIRECTLY TOUCHES the image of your nail, then BEWARE, IT IS A 2-WAY MIRROR! (There may be someone seeing you from the other side). So remember, every time you see a mirror, do the "fingernail test." It doesn't cost you anything. It is simple to do.

This is a really good thing to do. The reason there is a gap on a real mirror, is because the silver is on the back of the mirror UNDER the glass.

Whereas with a two-way mirror, the silver is on the surface. Keep it in mind! Make sure and check every time you enter in hotel rooms.

Share this with your sisters, wife, daughters, friends, colleagues, etc.

Pass this message to all Ur friends in the Contacts.

By: Rojer Blossom in FaceBook

உடல் பருமன்....உங்கள் ஆரோக்கியம் உங்கள் கையில்...

உடல் எடை அதிகரிப்பு, இன்றைய உடல் உபாதைகளில் பெரும் பங்கு வகிக்கிறது. உலக மக்களில் மூன்றில் ஒருவர் எடை கூடுதலாகவும், பத்தில் ஒருவர் அதிக எடையுடனும் காணப்படுகின்றனர் (அதிக எடை பற்றி கவலைப் படுகிறவர்களுக்கு ஆறுதலான செய்தி!). இதன் முக்கியக் காரணம் இன்றைய வசதி வாய்ப்புகள் மற்றும் உணவுப் பழக்கங்களில் மாற்றம். நம் முன்னோர்கள் கற்றுத்தந்த உணவு முறைகளை நாம் கிட்டத்தட்ட மறந்து வருகிறோம் என்பது உண்மை.

ஒரு பெண் நல மருத்துவர் அடிக்கடி சொல்வதுண்டு. பெண்களுக்கு ஏற்படும் மூட்டு வலிக்குக் காரணம் தற்போது பெண்கள் நின்று கொண்டு சமையல் செய்வதும், அதோடு, மேசையில் அமர்ந்து சாப்பிடும் முறையினாலும்தான் என்று. இதனால், காலுக்குக் கொடுக்கப்படும் பயிற்சி குறைந்ததே காரணம். கீழே உட்கார்ந்து எழுந்து சமையல் செய்யும் போதும், சாப்பிடும் போதும் காலுக்கு நல்ல பயிற்சி கிடைக்கிறது. அதோடு, அடுப்பிலிருந்து எழும் சூடு கால் மூட்டுக்கு நல்லது என்றும் அடிக்கடி சொல்லுவார். இது ஆண்களுக்கும் பொருந்தும் என்பதில் சந்தேகமில்லை.
வாகன வசதியினால் நடப்பது, சைக்கிளில் போவது குறைந்து போய், இயல்பான நடை தேகப்பயிற்சியாகி விட்டது. நம் வாழ்முறை மாற்றத்தைக் குறிக்கவே இந்த சிறிய உதாரணங்கள். 

உடல் பருமனுக்குக் காரணங்கள் பல உண்டு. அதில் முக்கியமானது அன்றாடம் நம் உடலில் நடைபெறும் நிகழ்வுகளைக் கட்டுக்குள் வைத்துருக்கும் சுரப்பிகளில் மிக முக்கியத்துவம் வாய்ந்த தைராய்டு சுரப்பி. இந்த சுரப்பி இயங்க அயோடின் என்ற தாது மிக முக்கியம். அதனால்தான், அரசு அயோடின் கலந்த உப்பை கட்டாயமாக்கியது. இந்த அயோடின் நமக்குத் தேவைப்படும் அளவு மிகமிகக் குறைவு. இயற்கையிலேயே நமக்குக் கிடைக்காதா என்று நீங்கள் கேட்கலாம். கிடைக்கும்தான். பல காய்கறிகளில், மீன், கடல்பாசி போன்ற பலவற்றில் உள்ளது (கடல் உணவு சாப்பிடுபவர்களுக்கு அயோடின் தாராளமாகக் கிடைக்கும்). விளைநிலத்தில் உள்ள அளவைப் பொருத்தே, விளை பொருட்களில் அதன் அளவு அமையும். தைராய்டினால் ஏற்படும் விளைவுகள் பெரும்பாலும் அலட்சியப்படுத்தப்படுகின்றன. பிரச்சனை அதிகமாகும் போதோ, அல்லது வேறு காரணங்களுக்காக மருத்துவரை அணுகும் போதுதான், இது கண்டறியப்படுகிறது. வாழ்நாள் முழுவதும் மாத்திரையில் வாழவேண்டிய சூழல். இத் தைராய்டு சுரப்பியின் பாதிப்பில் உடல் எடை கூடுவதும் ஒன்று.

உடல் பருமனைக் குறைக்க இன்று பல வழிமுறைகள் விளம்பரப்படுத்தப் படுகின்றன. சமீபத்தில், விஜய் டிவி நீயா நானாவில், ஒரு பெண்மணி, லட்சக்கணக்கில் செலவழித்தும் பலனில்லை என்றார். இதற்குத் தேவை திட்டமிட்ட வாழ்க்கையே தவிர வேறு செலவுகள் தேவையில்லை (மருத்துவ ரீதியிலான காரணங்கள் இருந்தால் தவிர). உடல் பருமானால், கால் மூட்டுவலி வருவது இயற்கை. உங்கள் எடை உங்கள் கையில்தான் உள்ளது. கவலைப்படுவதை விட்டுவிட்டுத் திட்டமிடத் தொடங்குங்கள். 

முதலில் நம் உடலின் இயல்பைப் புரிந்து கொள்ள வேண்டும். நாம் ஏன் சாப்பிடுகிறோம்? நாம் அன்றாடம் செய்யும் வேலைகளுக்கு, நம் உடலில் நடைபெறும் செரிமானம், இதயம், நுரையிரல் போன்றவற்றின் இயக்கத்திற்கு எனர்ஜி (சக்தி) தேவை. எப்படி ஒரு மோட்டார் வாகனம் செல்ல எரிபொருள் தேவையோ அதுபோல் நம் உடல் நன்றாக இயங்க, நம் அன்றாட வேலைகளை அசதியின்றி செய்ய உணவு அவசியம்.

உணவினை (அதாவது எரிபொருளை), கார்போஹைடிரேட், புரதம் மற்றும் கொழுப்பு என்று மூன்று வகைகளாகப் பிரித்துக் கொள்ளலாம். கார்போஹைடிரேட் உடனடியாகக் குடல் வழியாக உறிஞ்சப்பட்டு நமக்கு எனர்ஜியைக் கொடுக்கிறது. இதனால்தான், நோயாளிகளுக்கு குளுக்கோஸ் ஏற்றப்படுகிறது. புரதம், நம் உடல் வளர்ச்சிக்கு முக்கியக் காரணம். கொழுப்பும் மித அளவில் தேவையான ஒன்று. நம் உணலில் கார்போஹைடிரேட் அளவு நம் அன்றாட உடல் தேவைக்கு ஏற்ப சரியான அளவில் இருக்க வேண்டும். இதைத்தான் கலோரி என்று சொல்வார்கள். நம் ஒவ்வோரு செயலுக்கும் ஒரளவு சக்தி (எனர்ஜி) தேவைப்படும். அதை உடனடியாக ஈடு செய்வதுதான் கார்போஹைடிரேட்டின் வேலை. 

நாம் சாப்பிடும் உணவில் கார்போஹைடிரேட் மற்றும் கொழுப்பின் அளவு அதிகமாகும் போது, அதிக அளவிலான கொழுப்பு உடலில் தேங்கத் தொடங்குகிறது. கார்போஹைடிரேட், கொழுப்பு மற்றும் புரதம் மூன்றுமே 'சக்திக்காக' செலவழிக்கமுடியும். கார்போஹைடிரேட் இல்லாத போது, கொழுப்பு சக்திக்காக எடுக்கப்படுகிறது. புரதமும்தான். அதனால், கார்போஹைடிரேட் நமக்கு அவசியம் ஆனால் அளவோடு தேவை. அதிக எடை என்பது கொழுப்புச் சத்து கூடுதலையே உணர்த்தும். அதித கொழுப்பு நமக்கு இதயம் சார்ந்த நோய்கள், நீரழிவு, ஆர்த்தரிட்டீஸ் மற்றும் கேன்சர் போன்றவைகளுக்கு வழிவகுக்கும்.

ஆனால், உடல் பருமனடையாமல் நம்மால் தடுக்க இயலும் என்பது நிதர்சன உண்மை. நாம் நம் உணவு மூலம் எடுத்துக் கொள்ளும் சக்திக்கும், நாம் அன்றாடம் செயல்கள் மூலம் செலவழிக்கும் சக்திக்கும் ஒரு சமநிலையை உருவாக்கினால் இதற்குத் தீர்வு காண முடியும். 

நீங்கள் பருமனான உடல்நிலையில் இருக்கிறீர்களா என்பதை அறிந்து கொள்ள உங்கள் எடை மற்றும் உயரத்துடன் கீழ்க்கண்ட இணையத்தளத்தில் சென்று சரிபார்கவும். 

http://www.vlcc.co.in/wm-bmi.asp

இதில் குறிப்பாகக் கவனத்தில் கொள்ள வேண்டியது, மெல்லினமாக இருக்க வேண்டும் என்று சரியாகச் சாப்பிடாமல், எடை குறைந்த நிலையை அடைவது. அதிகமாகவும் சாப்பிடக் கூடாது. குறையவும் சாப்பிடக் கூடாது.  சத்தான மற்றும் போதுமான உணவு நம் ஆரோக்கியத்துக்கு மிக முக்கியம். 

நீங்கள் ஒரு வாரத்திற்கு தினமும் சாப்பிடும் உணவு மற்றும் அதன் அளவு ஆகியவற்றைப் பட்டியலிடுங்கள். அதனோடு, நீங்கள் செய்யும் வேலைகள் என்ன என்பதையும் பட்டியலிடுங்கள். உடல் பருமன் அதிக கொழுப்பு உடலில் சேர்ந்துள்ளதைக் குறிப்பதால், அன்றாட உணவில் நீங்கள் சேர்த்துக் கொள்ளும் சக்தியின் (அதாவது கார்போஹைடிரேட்) அளவைக் குறைத்துக் கொள்ள வேண்டும் (5 இட்லிக்குப் பதில் 4 இட்லி என்பது மாதிரி). இந்த அளவு குறைப்பு என்பதை நீங்களே திட்டமிடல்லாம். உதாரணமாக, ஒரு வாரத்திற்கு ஒரு இட்லியைக் குறைத்துப் பாருங்கள். உங்களால் சமாளிக்க முடியும் என்றால், அடுத்த வாரம், இரண்டு இட்லியைக் குறையுங்கள். அதிக பட்சமாக, மூன்றில் ஒரு பங்கு மட்டும் குறைத்துப் பாருங்கள். இதில் முக்கியம், இட்லி போன்ற அதிக கார்போஹைடிரேட் உணவுகளுக்குப் பதில், வேறு தானிய உணவுகள் மற்றும் காய்கறிகள் சேர்த்துக்கொள்ளப்பட வேண்டும்.

கொழுப்பு நிறைந்த உணவுகளைத் தவிர்க்க வேண்டும். அதோடு, தினமும் 30 நிமிடமாவது அவசியம் உடற்பயிற்சி தேவை (நன்கு வேர்க்க வேண்டும்). சர்க்கரையைத் தவிர்த்தல் நல்லது. அதற்குப்பதில், பனங்கல்கண்டு சேர்த்துப் பழகலாம். ஓட்ஸ் ஒரு நல்ல முழு தானிய உணவு. தினமும், ஓட்ஸ் சேர்த்துக் கொள்ள வேண்டும். கிரீன் டீ பிடித்தவர்கள், தினமும் 2 கப் சர்க்கரையில்லாமல் குடித்தால் நல்லது. இவையெல்லாம், உடலில் தேவையில்லாமல் சேர்ந்திருக்கும் கொழுப்பை கரைந்து போகச் செய்யும்.

இங்கு கவனத்தில் கொள்ள வேண்டியது,  உடல் பருமன் நாம் அதிக அளவில் கார்போஹைடிரேட் எடுத்துக் கொண்டு வருவது அல்லது எடுத்துக் கொள்ளும் அளவை விடக் குறைவாகச் செலவழிப்பதைக் குறிக்கும். அதனால், எடுத்துக் கொள்ளும் அளவை சிறிது குறைத்து (நாம் அன்றாடம் செய்யும் வேலையைப் பொறுத்து), உடல் பயிற்சியைக் அதிகரித்து சமநிலைப்படுத்த வேண்டும்.

உடல் எடையை அதி வேகமாகக் குறைக்க நினைப்பதும், உணவை மிக அதிக அளவில் குறைப்பதும் பல வேறுபட்ட உபாதைகளை உருவாக்கும். உணவு, அதுவும் சத்தான உணவு, தேவை. ஆனால், நம் தேவைக்கு இருந்தால் போதும். எடையை எளிதில் கூட்டி விடலாம். ஆனால், குறைக்க படாதுபாடு பட வேண்டும். 

முக்கியமாகக் கவனத்தில் கொள்ள வேண்டியது. உங்களுக்கு, ஏற்கனவே இதயம் சம்பந்தமான மற்றும் நீரழிவு நோய் இருக்குமானால், கண்டிப்பாக ஒரு மருத்துவரின் ஆலோசனைப்படி செயல்படுவது நல்லது. 

எடையைக் குறைக்க வழி காண்பிகிறேன் என்று ஏராளமான ஏமாற்றுப் பேர்வழிகள் பணம் பிடுங்க அலைகிறார்கள். பணத்தையும் வீணாக்கி, உடல்நலத்தையும் கெடுத்துக் கொள்ளாதீர்கள்.

உங்கள் ஆரோக்கியம் உங்கள் கையில்...

காணாமல் போகும் சுவடுகள்!

காலத்தின் கோலம்!
கனவுகள் எல்லாம் மாயம்!
தூரத்தில் தெரியும் கானல் நீர்!
துரத்திச் செல்லும் பேதமை!
மாயை புரியும் முன் நிஜம் நிழலாகிப் போகும் நிதர்சனம்!
அலைபாயும் நீரில் பிரதிபலிக்கும் பிம்பத்தின் அலைக்கழிப்பு!
கனவுக்கும் யதார்த்தத்துக்குமான யுத்தம்!
கனவுகளினால் கடந்து வந்த பாதையில் காணாமல் போகும் சுவடுகள்!